د قدر شپه

 Ø¥Ù†Ø§ انزلنه في ليلة القدر (1) Ùˆ ما ادراك ما ليلة القدر (2) ليلة القدر خير من الف شهر (3) تنزل الملائكة Ùˆ الروح فيها بإذن ربهم من كل امر (4) سلام هى حتى مطلع الفجر (5)
يقينا چې مونږ دا د قدر په شپه نازل كړى دى . ته څه پوهيږى چې د قدر شپه څه ده ؟ د قدر شپه له زرو مياشتو نه بهتره ده . په ( دى كښې دهر كار ) د انجامولولپاره د خپل رب په حكم سره فرشتې او روح ( جبرائيل ) نازليږي . دا شپه سراسر د سلامتۍ ده او د فجر تر طلوع پورې ( ده )
د قدر كلمه عربي كلمه ده او د منزلت په معنى ده . مونږ وايو چې فلاني سړی د قدر وړ سړى دى يعنې قدرمن دى . همداشان وايو چې مونږ د فلاني سړي كورته لاړ و ، هغه زمونږ ډير قدر وكړ .\"
د قدر دكلمې بله معنى اندازه كول او فيصله كول هم ده ، په دې شپه د ټول كال د پاره فيصلې كيږي نو په هم دې سبب دى ته ليلة الحكم هم وايي.
ددې كلمې بله معنى تنګي هم ده ، په دې مباركه شپه دومر ډيرې فرشتې د ځمكې سر ته راښكته كيږي چې ځمكه تنګيږي .
د قدر شپه د عبادتونو شپه ده ، په دې مباركه شپه چې څومره عبادتونه كيږي هغه د خداى پاک په وړاندې ډير قدر او ارزښت لري او خداى پاک هر مومن بنده ته چې په دې مباركه شپه عبادت كوي ، ډير اجر او ثواب ورپه برخه كوي.
د قدر شپه د روژې د مياشتې د وروستيو لسو طاقو ورځو په كومه شپه كښې راځې . ددې شپې په مبهم پاتې كيدو كې هم الهي حكمت پروت دى ، او دا ددې په خاطر دى چې مسلمانان د روژې د وروستيو لسو ورځو په طاقو شپو كښې ښه دزړه له اخلاصه عبادت وكړي .
يقينا چې ما دا د قدر په شپه نازل كړى ده :
د قران پاک نزول د روژې په مباركه مياشت كښې له همدې شپې نه پيل شوى دى . دا قرآن پر محمد صلى الله عليه وسلم نازل او د 23 كالو په موده كښې پوره شوى يعنې تكميل شوى دى . د قرآن پاک آيت دى چې :
شهر رمضان الذي انزل فيه القرآن .
د رمضان مياشت هغه ده چې قرآن پكښې نازل شوى دى
 ØªØ§Ø³Û Ú…Ù‡ پوهيږئ چې د قدر شپه Ú…Ù‡ ده ØŸ
 Ø¯Ø¯Ù‰ استفهام څخه ددې شپې عظمت او اهميت څرګنديږي ØŒ ذهن په كامل ډول ددې پوښتنې ژورتيا ته رسيدلاى نه شي . دا يواځې پاك الله دى چې په دى پوهيږي .
د قدر شپه له زرو شپو څخه بهتره ده .
يعنې ددې يوې شپې عبادت د زرو مياشتو له عبادت څخه بهتر دى . زر مياشتې له 83 كالو او څلورو مياشتو سره برابرې دي . دا د حضرت محمد صلى الله عليه و سلم په امت باندې د الله تعالى څومره لوى احسان دى چې دهغه د امت د هر بنده د پاره يې دومره آسانتيا برابره كړې ده. د بنده عمر ډير لنډ او مختصر دى . او سط عمر ته چې سړى نظر وكړي نود سړي اوسط عمر له ۸۰ كالو څخه زيات نه دى . خداى پاک مومن بنده ته د قدر د يوې شپې د عبادت په بدل كښې د ۸۳ كالو او ۴ مياشتو د عبادت اجر وركوي . دا د خداى پاک لوى احسان دى او دا احسان هيڅ څوک ادا كولاى نه شي .
روح :
له روح څخه مراد حضرت جبرائيل عليه سلام دى ، يعنې فرشتې له جبرائيل عليه سلام سره يوځاى ، په دغه شپه ځمكې ته راښكته كيږي چې هغه چارې سرته ورسوي او انجام يې كړي كومې چې خداى پاک يې په دغه كال فيصله كوي.
دا شپه سر ا سر د سلامتۍ شپه ده.
يعنې دا شپه د شر او فساد شپه نه ده . هر مومن په دغه شپه د شيطان له شر څخه خلاص او محفوظ دى . په دغه شپه فرشتې، اهل ايمان يعنې ايمان دارو ته سلام كوي ، فرشتې هم په خپلو كښې په يوبل باندې سلام وايي .
نبي صلى الله عليه وسلم د قدر د شپې دپاره دا دعا ښودلې ده :
 (( الهم انك عفو تحب العفو فاعف عني )) ( سنن ترمذي )
خدايه ته عفو ه يې ، عفو ه دې خوښيږي نو ماته عفو ه وكړه.
نو ځكه هر مومن بنده ته ښائي چې د قدر په شپه دا دعا ووايي.
د قدر شپه ډيره درنه ، ډيره بختوره ، ډيره پر بركته ، ډيره ستره ، ډيره نوراني ، ډيره ښكلې او له فيض نه ډكه شپه ده . دا شپه څرنګه چې وويل شول د روژې د ورستيو لسو ورځو په طاقو شپو كښې راځې چې دا د روژې د 21 ، 23 ، 25 او 27 شپې دي نو هر مومن بنده ته ښايي چې په دغو شپو ښه سم په اخلاص ، صداقت ، ايماندارۍ او په پاک نيت عبادت وكړي ، لمونځونه وكړي ، د قرآن پاک قرائت وكړي ، دعا وكړي ، تمنا وكړي ، له خداى پاک څخه د عفو ې او بخښې سوال وكړي ، توبې وكړي ، د نيكې لارې هدايت وغواړي ، له بديو څخه د خلاصون دعا وكړي . دا شپه په كال كښې يو ځل راځي .
هغه مسلمان بنده خوش نصيبه دى چې په دغه شپه نور ټول دنيوي كارونه پريږدي ، هر څه هير وي او صرف د خداى د نوم په اخستلو د خداى پاک درګاه ته لاسونه په دعا پورته كوي او په ډير عذر او زارۍ ، په ډير ه تواضع او مسكينۍ ، په ډير احترام او عاجزۍ هغه څه غواړي چې دده دين او دنيا ورباندې ښائسته كيږي او ورسره د ده د نيكمرغۍ او خوشحالۍ سبب كيږي.
دعا به وكړو چې :
اى پاكه ربه تا راته ددعا حكم راكړى دى او زمونږ ددعا ګانو د قبلولو وعده دې راكړې . تا فرمايلي دي چې له مانه و غواړئ هر څه چې غواړئ ، زه به يې در كړم .
اى لويه خدايه : ددې مباركې شپې په بركت زمونږ روژې ، لمونځونه ، عبادتونه او طاعتونه قبول كړه .
اى لويه خدايه ! ته مونږ ته د ښې لارې هدايت وكړه . زمونږ ظاهر او باطن اصلاح كړه . مونږ له ګمراهيو څخه وساته .
مونږ ستا د نعمتونو شكر ګذار يو . مونږ سره مرسته وكړه او دا توان راكړه چې ستا د نعمتونو شكر په ځاى كړو.
اى خدايه !
ته د آسمانو او ځمكې خالق يې . په دنيا او آخرت كښې مو مالک يې .
أى لويه خدايه ! ته په مونږ باندې له زمونږ د توان او طاقت څخه زياد بار نه اچوې . كه مونږ كومه سهوه ، غلطي او خطا كوو نو ته راته معافي وكړه .
لويه خدايه ! ته مو له هر ډول نفاق ، خپل منځي مخالفتونو ، بد اخلاقيو ، بد بينيو څخه په خپل امان كښې وساته . اى لويه خدايه ! ته مو ايمان د زړونو زينت وګرځوه ، له بدو اعمالو او سركشيو نه مو وژغوره .
اى لويه خدايه ! مونږ په دغه مباركه شپه كښې ستا د رحمتونو طلبګار يو .
اى پاكه ربه ددې مباركې شپې په بركت خپل غضب او قهر د اسلام په دشمنانو نازل كړه .
خدايه ! ته زمونږ په درد او غم باندې پوهيږې ، ته زمونږ ددرد او رنځ آواز اورې .
له تا نه مرسته او كومک غواړو .
له تانه پرته مددګار نه لرو .
اى لويه خدايه : زمونږ زړونه اصلاح كړه . زمونږ په زړونوكې مينه محبت او همدردي پيدا كړه .
له خپل منځي جكړو څخه مو وساته . له تعصب ، بغض او عداوت څخه نجات راكړه .
اى خدايه ! د قدر په دې مباركه شپه زمونږ ګناوې معاف كړه .
مونږ له خپل رحمت څخه مه محروموه .
ته رحيم او كريم يې . زمونږ په حال رحم او كرم وكړه .
اى لويه خدايه ! ددغې مباركې شپې په بركت زمونږ د هيواد افغانستان ساتنه او حفاظت وكړه.
دا وطن په خپل امان كښې وساته . دا وطن د داخلي او خارجي دښمنانو له شر څخه محفوظ وساته .
اى خدايه ! هغه څوك چې زمونږ په هيواد كښې بد امني پيدا كوي ، ته هغوي د خپلو ناپاكو ارادو څخه منع كړه .
لويه خدايه ! هغو شريفو خلكو ته توان او توفيق وركړه چې په زړونو كښې د خپل وطن سره مينه لري ، د خپل هيواد د بقا د پاره په زړونو كښې پاكه جذبه لري.
اى لويه خدايه :
هغه خلك چې بد فكرونه لري ، د هغوي فكر ونه بدل كړه .
اى لويه ربه ! ددې سپيڅلې شپې په بركت د افغانستان هر وكړي ته دا توفيق وركړه او دا مينه ورته په زړه كښې واچوه چې له هر ډول ژبني ، نژادي ، قومي تعصب څخه لاس واخلي او ټول له يو بل سره په ورورۍ او دوستۍ كښې ژوند وكړي.
اى لويه خدايه ! د خائنانو لاسونه مات او دوي تباه كړه .
اى خدايه ! ټولو ته د حلالې روزۍ د پيداكولو توان وركړه ، رشوت خورو او د حرامو لارو څخه د دولت پيداكونكوته د ښې لارې هدايت وكړه .
اى لويه خدايه ! تا په قرآن پاك كښې د حلالو او جائزو طريقو له ليارې د روزۍ د پيدا كولو اصول ښودلي دي
 Ù„ويه خدايه تا په قرآن پاك كښې د حلالو او جائزو طريقو له لارې د روزۍ دپيدا كولو احكام صادر ÙƒÚ“ÙŠ دي.
خدايه ! ته لار ښوونكى او هدايت كوونكى يې .
خدايه ! ته ټول افغانان د اصولو پابند وګرځوه ، ته مونږ افغانانو ته توان راكړه چې د قرآن د احكامو پابندي وكړو.
خدايه ! ته مونږ افغانانو ته همت ، جرئت او استقامت راکړه چې قرآن د خپل ژوند د لارې مشال وګرځوو .
اى خدايه ! د قدر د پاكې شپې په بركت ټول هغه خلك كامياب وګرځوه چې د اسلام ددين خدمت كوي .
اى خدايه! ته دوي ته ددې خدمت په بدل كې اجر او ثواب وركړه .
پاكه خدايه ! له تانه غواړو چې د قدر مباركه شپه زمونږ په نصيب كړې او په دې مباركه شپه زمونږ ټولې دعاګانې قبولې او منظورې كړې .
آمين