د الملک د سورې فضل

 Ù„Ù‡ الحاکم څخه روایت دی چې رسول الله صلی الله علیه وسلم فرمالیلي دي چې « د الملک سوره سړی د قبر له عذاب څخه ژغوري»
د الملک سوره ۳۰ ایتونه لری او هر مسلمان ته ښايي چې لږ تر لږه یې په ۲۴ ساعتو کې یو ځل قرائت کړي ، د دې سورې قرائت له ۳ دقیقو څخه زیات وخت نه نیسي ، او که څوک دا سوره حفظ کړي نو دا به لا ډیر ښه کار وي. ددې سورې په لوستلو یو مسلمان د قبر له عذاب څخه ژغورل کیږي ، دا څومره ستره او عظیمه خبره ده او څومره ستر الهی نعمت دی چې الله پاک یو مسلمان د قبر له عذاب څخه ساتي چې دا سوره وايي . بیشکه چې الله پاک غفور او رحیم دی ، الله پاک هیڅکله په خپل مسلمان بنده ظلم نه کوي بلکې دا خو پخپله د خدای بندګان دي چې په خپل ځان ظلم کوي . دا خو ځیني مسلمانان دي چې قتلونه کوي ، ظلم زیاتی کوي ، د خلکو په مال دولت خیټه اچوي ، حق ته غاړه نه ایږدي ، بې عدالتی کوي ، تقلب کوي ( په انتخاباتو او نورو کارونو کې ) له انصاف څخه کار نه اخلي او داسې نور منکرات سرته رسوي. خدای پاک خو یو مسلمان ته نه وايي چې بد کارونه وکړه ، دا پخپله د خدای بنده دی چې د الله پاک له سمې لارې اوړي او د شیطان په لمسه د شیطان په لار روانیږي. زه له ټولو دوستانو ، عزیزانو ، خویندو او وروڼو ، خپلو معنوي اولادونو څخه غواړم او دا هیله ورڅخه کوم چې په ۲۴ ساعتو کې دې اقلا یو ځل د الملک سوره قرائت کړي او خپل هیواد ، خپلو هیوادوالو ته او ټولو مسلمانانو ته دې د عا ګانې وکړي. الله پاک دا دعاګانې اوري او خامخا به یې په خپل دربار کې قبلوي. هره دعا باید په پاک نیت او د ځان او د نورو د خیر لپاره په کار ده